Чӑваш халӑхне ҫутта кӑларнӑ И. Я. Яковлев ҫуралнӑранпа 175 ҫул ҫитнине, Раҫҫей Федерацийĕн педагогпа ăс паруçă ҫулталăкне тата Чăваш чĕлхи кунне халалланă «Пĕтĕм чăваш диктанчĕ – 2023» акци ака уйăхĕн 26-мĕшĕнче иртрӗ. Сыпайкасси шкулӗнче вӗренекенсемпе вěрентекенсем ҁак акцие хастар хутшӑнчӗҁ. Пурӗ 18 ҁын хутшӑнма кӑмӑл турӗ. Вӗсем хӑйсен пӗлӗвне, чӑвашла йӑнӑшсӑр ҁырассине, чарӑну паллисене лартассине тӗрӗслерӗҁ. «5» палла виҁӗ вӗрентекенпе ултă вӗренекен тивӗҁрӗҁ, ыттисем лайӑх паллӑ илме пултарчӗҫ.